Diabetes at Sakit na Periodontal: Nadagdagang Panganib

Ano ang nakapagdudulot ng mga impeksiyon sa gilagid?

Ang bakterya sa iyong bibig ay bumubuo ng isang malagkit at maputing film (plaque) sa mga ngipin. Maaaring tumigas ang plaque at maging magaspang na dilaw o kayumangging deposito (tartar) kung hindi ito aalisin araw-araw. Mas mahirap alisin ang tartar mula sa iyong mga ngipin kaysa plaque. Nagdudulot ng pamamaga, pagdurugo, impeksiyon, at umuurong na gilagid ang bakterya mula sa plaque at tartar. Maaaring mangyari kapag hindi nagamot nang wasto ang malubhang sakit sa gilagid at buto.

Pag-iwas

Sundin ang mga tagubilin na nasa ibaba upang makatulong na maiwasan ang sakit sa gilagid:

• Ugaliin ang magandang kalinisan sa bibig. Magsipilyo ng iyong mga ngipin pagkatapos ng bawat pagkain. Mag-floss araw-araw. Huwag ding kalimutang sipilyuhin ang iyong dila. Maaaring magmungkahi ang iyong dentista ng mga espesyal na pantulong upang mapanatiling malinis ang iyong mga ngipin.

• Regular na magpatingin sa iyong dentista. Gusto ng iyong dentista na matingnan ka bawat 3 hanggang 4 na buwan para sa mga eksaminasyon at paglilinis. Magdedepende kung gaano ka kadalas na bibisita sa iyong dentista kung gaano katindi ang iyong sakit sa gilagid. Maaari din itong nakadepende sa pamumuo ng iyong plaque at tartar. Nakadepende ito kung gaano mo inaalagaan ang iyong mga ngipin at mga gilagid. Sabihin sa iyong dentista kung may anumang problema ka sa pagkontrol ng iyong asukal sa dugo.

• Kontrolin ang iyong asukal sa dugo. Ang pagpapanatili ng iyong asukal sa dugo sa malusog na lebel ay tutulong sa pagkontrol ng iyong diabetes. Makatutulong din ang paggawa nito na labanan ng iyong katawan ang mga impeksiyon. Maaaring hindi gaanong malala ang iyong sakit sa gilagid. Inumin ang iyong gamot sa diabetes ayon sa itinagubilin. Magpatingin nang regular sa iyong pangunahing tagapangalaga ng kalusugan.

Paggamot

Kung ikaw ay may sakit na periodontal, maaaring imungkahi ng iyong dentista ang anumang plano ng paggamot na nasa ibaba:

• Scaling at root planing. Ang mga pamamaraang ito ay inaalis ang plaque at tartar mula sa mga ngipin, sa itaas at ibaba ng linya ng gilagid. Ang scaling at root planing ay tumutulong din sa pagkontrol ng sakit sa gilagid at buto.

• Antibayotiko. Ang antibayotiko ay mga gamot na pumapatay ng bakterya. Maaari kang makatanggap ng antibayotiko bilang mga tableta. O maaaring ipahid ang gamot sa bahagi (topical form).

• Operasyon sa gilagid. Ang operasyon sa gilagid ay isang paraan upang alisin ang mga malalim na deposito ng plaque at tartar. Maaari itong isagawa para sa mga malubhang impeksiyon na hindi tumutugon sa iba pang uri ng mga paggamot.