Osteoarthritis: Mga Iniksyon at Operasyon

Mga iniksyon na corticosteroid o steroid. Maaaring paginhawahin ng mga turok na ito ang pamamaga at kirot. Itinuturok ang gamot sa kasukasuan—halimbawa, sa tuhod o balakang. Talagang may mga panganib ang mga iniksyong steroid. Kaya nililimitahan ng mga tagapangalaga ang bilang ng mga iniksyong ginagamit sa anumang 1 kasukasuan na hindi hihigit sa 3 o 4 na turok bawat taon para sa bawat kasukasuan na nagdadala ng bigat. Kahit ang daming ito ay maaaring makapinsala sa kartilago kung ang mga turok ay ginagawa nang regular.

Mga iniksyon na pandagdag ng pampadulas. Gumagamit ang mga turok na ito ng hyaluronic acid, isang substansya na katulad ng natural na nakikita sa kasukasuan. Maaari itong makatulong sa kasukasuan na gumana nang mas maayos. Ngunit walang napakaraming ebidensya na magpapatunay na nakakatulong ang mga ito Ang mga iniksyon na ito ay para lamang sa banayad hanggang katamtamang osteoarthritis (OA) ng mga tuhod. Ginagamit ang mga ito sa mga taong hindi tumugon sa mga konserbatibong paggamot na hindi gamot, mga pain reliever, o pinagsama ang pareho.

Arthroscopy. Tinitingnan ng surihano ang at nagtatrabaho sa loob ng kasukasuan gamit ang maliliit na kagamitan na inilalagay sa pamamagitan ng napakaliliit na hiwa (incisions). Pinakikinis ang cartilage. Inaalis ang anumang piraso ng cartilage na nasira.

Pagpapalit ng kabuuang kasukasuan. Inaalis ang buong kasukasuan. Pinapalitan ito ng isang artipisyal na kasukasuan gamit ang metal, ceramic, o plastic. Pinakamadalas itong ginagawa sa kasukasuan ng tuhod o balakang.

Ibang pag-opera. Mayroong iba pang pamamaraan ng pag-opera na partikular sa ilang kasukasuan. Halimbawa, maaaring gawin sa kasukasuan ng balakang ang joint resurfacing.